كتبت راندا كمال عامر
علي لسان رئيس اتحاد الطلاب المصريين في السودان
روفيدة عادل رجب ١٩ عاما الطالبة بكلية العلاج الطبيعي بجامعة ابن سينا بالسودان وهي من محافظة سوهاج مركز ساقلته ..
سافرت لتحقيق حلمها ودخولها علاج طبيعي وسط فرحة وخوف من اهلها .. روفيدة عليها رحمة الله وحيدة ابوها وامها علي ولدين .. وبعد سفرها بكام شهر روفيدة تعبت وهي ف السودان وسط صحابها اللي معاها في السكن .. طبيعي اللي بيحصل اننا لما نتعب نتوجه لاقرب مستشفي او دكتور عشان نخف ونتحسن من التعب والمرض…
لكن بسبب دكتور عديم الضمير فاشل عملياً ودراسياً وبسبب مستشفي متخلفة لما تشغل دكاترة بالمستوى ده حالة روفيدة سائت اكتر وقبل ساعات من وفاتها روفيدة اتوجهت للمستشفي لكن قضاء ربنا نفذ ..
حد هيقول انه تم كتابة سبب الوفاة طبيعية ! هقولك كان لازم تتكتب طبيعية لانه والدها قال انا مش عايز حاجة غير ان بنتي ترجعلي مصر بدون ما تتشرح .. ورقياً هي وفاة طبيعية لكن ف الحقيقة هو خطأ طبي فادح يجب محاسبة فيه كل مسؤول اي كان طبيب او ممرض او عامل ..
خطأ الطبي عمل ايه من دكتور متخلف ؟! (مع ايماني بالقدر لكن ناخذ بالاسباب)
اتسبب في وفاة الدكتورة روفيدة
والدتها من القهر والصدمة اتوفت
اخوها اتحول لمستشفي بسبب اغمائه
عمها جاله جلطة ف الجنازة
عيلة كاملة اتهدمت بسبب دكتور
ولا نقول الا ما يرضي الله انا لله وانا اليه راجعون
تعازينا لاسرة الشهيدة باذن الله الدكتورة روفيدة
