مين تكوني يامصر بقلم الشاعرة…متابعة : سوزان مصطفى

……
بيسألوني مين تكوني؟

رديت وما خفت …يلوموني

يامصر إنتِ ..نور عيوني

إنتِ الحنان.. وانت الأمان

وانتِ العطاء …..مع الحرمان..

انت الحرية …

لو ورا القضبان…
…
يامصر إنتِ … الحياة

إنتِ بَر ….النجاة

من غيرك… نتوه

فى كل…. اتجاه

عايشين بنتنفس هواكي

مطمنين مادومنا معاكي

مدفيين بطيبة أهلك

وساندين… اللي يحافظ عليكي

ويستاهلك…وبيعافر لاجل يرعاكي….
..
يا نور عيون قلوبنا

ياضحكة وسط الغُلب

مونسانا…

يا نسمة تمسح ..كل دمعة مغلبانة

إنتِ السند.. للي ملوهش سند

ولا ضهر..
وانت الوتد …. يثبتنا

يقوينا …لو يوم يميل الدهر
…
ويوم ما تنادي علينا يامصر
تلاقينا بنلبى الندا

وبنقدم ليكي أرواحنا فِدا
دي روحنا ماتغلى عليكي

ياللي روحنا بتناديكي
لما روحنا سنين عنك

كنا نتمنى نظرة منك
تروي عطشنا في ليل الغربة

كل ما نسهر…. نفكر فيكي
ياللي روحنا…… بتناديكي

وقالو عنك ياما قالوا
قالوا ..إنك… متقدريش

تقومي تاني
قالوا …أمنك
أصبح اماني

ولحلمك ماهتحققيش
..
قالوا ..محتاجة سنين
وسنين…

لاجل شعبك يقدر يعيش
نِزلوا تكسير في بيبانك

حاولوا يهدوا ..كل عِمدانك
ولما عشش فيكي الخفافيش

وافتكروا انك ماهتقوميش
كانوا ناس ماتختشيش

أصل دي ناس لترابها
ماهتنتميش…
…
بَصوا لقوا …مارد كبيييير
قام ينفض من عليكي ترابهم

بيدافع عنك بكل ضمير
ماسك سيفه بيحصد رِقابهم

حَمَّر عيونه… ..حَرقت قلوبهم
أصله مارد أصيل …عارفهم

فاهم تفاصيلهم و عيوبهم
كام مرة حاول يرقق قلوبهم

لكنهم خونة…. ملهومش قلب
لا يهمهم وطن ..ولادق بابهم حب

مليانين أسية …معجونين بكدب
خفافيش تعشش في الضلام

لاتعرف نور ولا احترام
ولولا المارد هب ….وقام

لكانت عشوشهم في كل مكان
طَمِن قلوبنا من بعد هوان

وفَرد جناحه لكل الأنام
مشغول بيكي ..عايز يرضيكي

ويمحي عنك طيور الضلام…
يامصر دانتي …بر الأمان

…