هايدي عزت
كشفت الفنانة ندى رحمى عن دخول والدتها الفنانة سحر عبد الحميد، العناية
المركزة بعد تعرضها إلى أزمة صحية .
وعلقت ندى رحمى، قائلة : ” شكرا لكل اللي سأل ماما انحجزت في مستشفى
بالدقي في الرعاية المركزة.. دعواتكم”.
وكانت ندى رحمى قد تحدثت خلال الساعات الماضية عن أزمة والدتها سحر عبد
الحميد الصحية قائلة : ” من شوية اتحطيت في موقف لا أحسد عليه بجد
وماتمناهوش لأي إنسان…
أمي قلبها تعبان من زمان.. من قيمة ساعة اتعرضت أمي لأزمة قلبية نتيجة إرهاق
شديد في المذاكرة وقلق امتحاناتها..
ضغطها واطي جدا على عكس الطبيعي.. أحنا عيلة ضغطنا عالي بالوراثة أساسا..
وكمان قلبها كان بيدق بشكل مرعب لدرجة أن صدرها كان بيترج جامد.. زي
مايكون قلبها هينط من ضلوعها”.
وتابعت الفنانة ندى رحمى عن والدتها سحر عبد الحميد قائلة : ” توترت جدا
وماكنتش عارفة اتصرف ازاي ولا اتصل بمين… وزاد رعبي و توتري أكتر لما قالتلي
أنا هنام شوية ومن وقت للتاني بصي عليا شوفيني بتنفس ولا لأ، احنا ف حر
ومش عايزة يطلعلي ريحة
للحظة مخي وقف وبقيت بصب عرق من كل ناحي ومش عارفة المفروض اتصل
بمين من أصحابي ولا اكلم مين في النقابة…
وأصحابي اللي ممكن يقفوا جمبي في إسكندرية مش هنا على مايوصلوا ماعرفش
ممكن يحصل أدركت ساعتها أني حرفيا بطولي غرقانة في شبر ميه ومخي
واقف”.
